แพรี่พาย
หน้าแรก / Instagram @pearypie / รูปของ แพรี่พาย
แพร อมตา จิตตะเสนีย์
@pearypie
อินสตาแกรมของ แพรี่พาย
7,752
Posts
1,457,673
Followers
882
Followings
| Make-up Artist turn Cultural Activitst • student of earth and environmental study believing in creating a better change • [email protected]
@pearypie : เมื่อปี๋แล้ว ได้พันธุ์บ่ะแต๋งโอ้มจากแม่หล้า ซึ่งเป๋นพันธุ์พื้นบ้านจากเจียงดาว แม่หล้าเอาหื้อมาลองปลูกบนดาดฟ้า (ปล บ่ะแต๋ง=แตงกวา🥒) บ่ะแต๋งพันธุ์นี้โหน่ยใหญ่กว่าบ่ะแตงทั่วไป มีความกรอบ ฉ่ำน้ำ แล้วตี้เด็ดสุดคือ มีความหอมนวล กลิ่นพิเศษสุดๆ บ่เกยกึ๊ดว่าจะมีบ่ะแตงตี้ไหนจะหอมได้ขนาดนี้ ประทับใจ๋ขนาด 😊👌 โหน่ยก่อดกออกจ๋นกิ๋นบ่ตัน แจกแล้วแจกแหม แพรก่อเลยตั้งใจ๋ว่างั้นปล่อยหื้อบ่แต๋งแก่ ลวดเก็บเข้าเป็นเจื้อไว้ธนาคารเมล็ดพันธุ์ของสวนดาดฟ้าไปเหีย ละส่วนหนึ่งก่อจะส่งเม็ดเจื้อบ่ะแต๋งส้ายคืนหื้อแม่หล้า วันนี้นอกจากเล่าเรื่องบ่ะแต๋งโอ้มแล้ว ก่อยังมีเมนูพื้นบ้าน พื้นเมืองตางเหนือตี้ได้กิ๋นบ่อยๆ กิ๋นเจื่อๆ เวลาอยู่ตี้เจียงดาวมาฝากโตยเน้อเจ้า นั่นก่อคือ “ส้าบ่แต๋ง” 🥗🍴 กู้เตื้อตี้ได้กิ๋นเมนูนี้ จะฮู้สึกสดชื่นขนาดเลย โดยเฉพาะกิ๋นวันตี้อากาศฮ้อนๆ คือฟินสุดๆละเจ้า 😍 ส่วนวิธีทำคือง่ายขนาด บ่ยุ้งยาก 1. จี่พริก หอมเตียม หอมแดง 2. ใส่เกลือ ต๋ำหื้อเหลวละเอียด 3. ผ่าบ่แต๋งแนวยาว เอาจ้อนขุดเป็นแผ่นๆ ใส่คลุก สูน(ผสม)กับน้ำพริกที่ต๋ำในข้อ 2 4. ปรุงรสด้วยน้ำปู๋และก่อเครื่องปรุงอย่างอื่นต๋ามใจ๋ชอบ(ถ้าต้นรับจะใส่น้ำพริกที่มีปล๋าดุก ปลาทู ปล๋าน้อย งาขาวคั่ว อื่นๆ ก่อว่าแล้วแต่สูตรบ้านไผบ้านมัน) 5.ซอยผักไผ่/หอมด่วนใส่ลงไป 6. ตักใส่ถ้วย เสริฟกับข้าวนึ่งฮ้อนๆหอมๆ ปั้นข้าวนึ่งกุ้ยส้าบ่ะแต๋งคือฟินขนาด ลำขนาด เม๊าะขนาดเจ้า😍 สำหรับไผอยากจะฮู้วิธีเก็บเมล็ดพันธุ์บ่ะแต๋ง 🥒 บ่ยากเลยเจ้า 1. ปล่อยบ่ะแต๋งหื้อสุก แก่เหลือง 2. ตัดลงมา ผ่าตามแนวยาว 3. ขูดตักเอาเมล็ดจากกึ่งลูกยาวไปฝั่งปลายตูด จะได้เมล็ดที่สมบูรณ์กว่าฝั่งขั้วติดหัว 4. ล้างเอาฟิล์มถุงหุ้มเมล็ดออก 5. ผึ่งตากลมในที่ร่ม ถ้าแห้งแล้วเก็บในที่แห้งเย็น บ่มีแสง เก็บใส่ถุงกระดาษ หรือภาชนะทึบแสงไว้ในตู้เย็นช่องผัก ก่อจะเก็บได้เมินเป๋นปี๋ๆ เจ้า ภาษาเมือง บ่แต๋ง=แตงกวา 🥒 โหน่ย หน่วย= ผล ลูก หอมเตียม = กระเทียม🧄 ผักไผ่= ผักแพว ผักแพ้ว หอมด่วน=สาระแหน่ สูน= การผสม การคลุก กุ้ย = การตักโกยอาหารด้วยนิ้วมือสามนิ้ว (โป้ง ชี้ กลาง)😂 เม๊าะขนาด= โครตดีมาก ที่สุด สุดยอดมากๆ ลำขนาด= อร่อยมากกกก 😋 @monjirawan #แก้งค์ถิ่นนิยม
